საბახტარიშვილი – 101 სული (სენაკი - 33, თბილისი – 26, ხობი – 13). ერთ-ერთია იმ –შვილ დაბოლოებიან გვართაგან, რომლის წარმოშობისა და გავრცელების ძირითადი არეალი სამეგრელოა. ამ გვარის რამდენიმე კომლი ცხოვრობს სენაკისა და ხობის რაიონებში (თვით ხობში – 3 კომლი). ადგილობრივი ვარიანტი: სამთასქუა. ტოპონიმი: ლესამთასქუე – უბანი ლეგოგინეში, ცხოვრობენ საბახტარაშვილები. პირსახელი საბახტარ/საბაქთარ ცნობილია დასავლეთ საქართველოში. ამ სახელს მოგზაური ჟან შარდენიც მოიხსენიებს (დასავლეთ საქართველოში შარდენს თავი შეუფარებია ციხე-სიმაგრისათვის, რომელიც საბახტარს ეკუთვნოდა). უშაფათში მცხოვრები საბახტარაშვილები აზნაურები იყვნენ.

საბულუა – ზუგდიდი, აბაშა, ფოთი